Aaditya Thackeray आदित्य ठाकरे यांनी मौन सोडले; सुशांतच्या आत्महत्येशी माझा संबंध नाही

मुंबई:अभिनेतासुशांतसिंह राजपूत आत्महत्याप्रकरणी आरोप होत असताना पर्यावरण मंत्रीआदित्य ठाकरेयांनी अखेर मौन सोडले आहे. आदित्य यांनी आज एक निवेदन प्रसिद्धीला देत आपल्यावरील सर्व आरोपांना सडेतोड प्रत्युत्तर दिले आहे. (Aaditya ThackerayonSushant Singh Rajput Death)

वाचा: सुशांतच्या एक्स मॅनेजरची बलात्कार करून हत्या, राणेंचा गंभीर आरोप

‘सुशांतच्या आत्महत्ये प्रकरणी व्यक्तिश: माझ्यावर तसेच ठाकरे कुटुंबावर नाहक चिखलफेक करण्यात येत आहे. ही एकप्रकारे वैफल्यातून उमटलेली राजकीय पोटदुखीच आहे. मृताच्या टाळूवरचे लोणी खाण्याचा हा प्रकार माणुसकीला कलंकित करणारा आहे. मुळात या संपूर्ण प्रकरणाशी माझा काडीमात्र संबंध नाही’, असे नमूद करत आदित्य यांनी आपली बाजू सविस्तरपणे मांडली आहे.

‘सुशांतसिंह राजपूतचा मृत्यू दुर्दैवी तितकाच धक्कादायक आहे. मुंबईचे पोलीस या प्रकरणाचा खोलवर तपास करत आहेत व महाराष्ट्राच्या पोलिसांना जागतिक प्रतिष्ठा आहे, पण ज्यांचा कायद्यावर विश्वास नाही तेच लोक या प्रकरणी फालतू आरोपांचा धुरळा उडवीत तपास भरकटवण्याचा प्रयत्न करीत आहेत’, असा पलटवार आदित्य यांनी या निवेदनात केला.

वाचा: सुशांतसिंह आत्महत्या प्रकरणाची चर्चा तरी किती करणार?; ‘या’ मंत्र्याचा सवाल

‘मी हिंदुहृदयसम्राट बाळासाहेब ठाकरे यांचा नातू म्हणून सांगू इच्छितो, महाराष्ट्राच्या, शिवसेनेच्या व ठाकरे कुटुंबाच्या प्रतिष्ठेस तडा जाईल असे कोणतेही कृत्य माझ्या हातून कदापि होणार नाही. फालतू आरोप करणाऱ्यांनी हे समजून घेतले पाहिजे’, असे खडेबोलही आदित्य यांनी सुनावले. सुशांत प्रकरणी कुणाकडे काही विशेष माहिती असेल तर त्यांनी ती पोलिसांकडे द्यायला हवी. पोलीस नक्कीच त्या दिशेने तपास करतील, असे आवाहनही आदित्य यांनी केले. याप्रश्नी मी आजही संयमानेच वागत आहे. अशाप्रकारे चिखलफेक करून सरकार व ठाकरे परिवारास बदनाम करता येईल, या भ्रमात कुणी राहू नये, असा सूचक इशाराही आदित्य ठाकरे यांनी दिला. भाजपचे खासदार नारायण राणे यांनी पत्रकार परिषद घेऊन गंभीर आरोप केल्यानंतर लगेचच आदित्य ठाकरे यांच्यावतीने हे निवेदन जारी करण्यात आले आहे.

वाचा: पुरावे नष्ट करू पाहत आहेत मुंबई पोलीस, वकिलांचा आरोप

आदित्य म्हणाले…

> करोना संकटाने देशभर हाहाकार माजवला आहे. महाराष्ट्रातील सरकारही करोनाचा पराभव करण्यासाठी शर्थ करत आहे. महाराष्ट्र सरकारचे यश, लोकप्रियता ज्यांना खुपते आहे त्यांनीच सुशांतसिंह राजपूत प्रकरणाचे घाणेरडे राजकारण सुरू केले आहे.

> सिनेसृष्टी म्हणजे बॉलीवूड हे मुंबई शहराचे महत्त्वाचे अंग आहे. या उद्योगावर हजारोंचा रोजगार अवलंबून आहे. त्यापैकी अनेकांशी माझे जिव्हाळ्याचे संबंध नक्कीच आहेत. हा काही गुन्हा नाही.

वाचा: ‘पोलिसांनीच फेसबुकवर शेअर केले सुशांतच्या मृतदेहाचे फोटो’

Source

Spread the love

Related posts

Leave a Comment