नाशिकमध्ये चिंता वाढली! जिल्ह्यात आढळले २४ नवे रुग्ण

म. टा. खास प्रतिनिधी ।नाशिक

नाशिक जिल्ह्यात करोनानं आपला विळखा घट्ट केला असून काल रात्रीपासून तब्बल २४ रुग्णांचे अहवाल पॉझिटिव्ह आले आहेत. विशेष म्हणजे आतापर्यंत एकही रुग्ण नसलेल्या ठिकाणीही काही रुग्ण आढळले आहेत. नाशिक शहरातील विविध भागांत आठ रुग्ण बाधित आढळून आले आहेत. त्यामुळं लॉडाऊनचे निर्बंध अधिक कठोर केले जाण्याची शक्यता आहे.

शनिवारची सकाळ नाशिककरांसाठी धास्ती वाढविणारी ठरली आहे. सकाळी साडे आठच्या सुमारास जिल्हा प्रशासनाला ६६ अहवाल प्राप्त झाले. त्यामध्ये मालेगावातील २३ पैकी १२ रुग्णांचे अहवाल पॉझिटिव्ह आले आहेत. यामध्ये सात नवीन रुग्ण असून उपचार घेणाऱ्या पाच बाधित रुग्णांचे अहवाल पुन्हा पॉझिटिव्ह आढळले आहेत. त्यामुळे या रुग्णांना आणखी काही दिवस उपचार घ्यावे लागणार आहेत.

रघुराम राजन यांना पद्धतशीरपणे खोटं पाडलं जाईल: शिवसेना

शहरासह जिल्ह्यात १२ जण बाधित

नाशिक शहरातील अनेक भागात नव्याने बाधित रुग्ण आढळून आल्याने प्रशासनाचे धाबे दणाणले आहे. यामध्ये पाथर्डी फाटा, उत्तम नगर, पंचवटीतील हिरावाडी, देवळाली, सातपूर कॉलोनी येथील रुग्णांचा समावेश आहे. हा सर्व दाट लोकवस्तीचा परिसर असून त्यामुळे आरोग्य यंत्रणा सतर्क झाल्या आहेत.

चांदवड, येवल्यात आणखी एक पॉझिटिव्ह

चांदवड तालुक्यातील देवरगाव येथे एक रुग्ण पॉझिटिव्ह आढळून आला आहे. याशिवाय नांदगाव तालुक्यातकही करोना विषाणूने शिरकाव केला असून मनमाडला एक रुग्ण आढळला आहे. सिन्नर तालुक्यातही पुन्हा एक रुग्ण बाधित आढळला आहे. याशिवाय सिव्हिल हॉस्पिटल येथे एका ५४ वर्षीय व्यक्तीला करोनाचा संसर्ग झाल्याची माहिती पुढे आली आहे.

Source

Spread the love

Related posts

Leave a Comment